منتدى ثانوية الحسن الأول الإعدادية

اش خبارالسعادة اديال الوزير ؟

استعرض الموضوع السابق استعرض الموضوع التالي اذهب الى الأسفل

اش خبارالسعادة اديال الوزير ؟

مُساهمة  hicham sâidi في الأحد 8 فبراير 2009 - 13:09

شحيما و اعظيما متكين قرب الحايط اديال سكويلة المخزن ويناقشو قضية القرايا.
شحيما:هد المدرسة هازا بزاف ديال ادراري
عظيما:زعما غادين كلهم يقراو.. و يخدمو؟
شحيما: لا..غادين يبقاو يقراو باش مللي يكبرو ما يحاربوش الامية
عظيما:دابا ما يمكنش لشي واحد.. يخرج من هنا وزير.. ياك؟
شحيما:ابحال هد المدارس ما كيخرجوش الوزراء
عظيما:ومن اين كيخرجو الوزراء؟
شحيما:الوزراء كيدخلو من برا..كيقراو برا
عظيما:و شحال كيشد الوزير؟
شحيما:الوزير كيشد القناطر اديال الفلوس..ثلاثة المليون و ربعين الف ريال و يعوضوه بجوج اخرين اديال المنصب و ثلاثة المليون و ربعين الف ريال اديال التنقل و عندو ثلاثة الطموبيلات و ثلاثة الكاتبات.وبيرو وشواش و شيفورات..وحتى يبغي يخرج كياخد ربيل فيه مانضا ديال عشرة شهور..
عظيما:الهم الكحل هدا.. و شحال كيخسر في النهار ايلا مشا للمارشي
شحيما:الوزير ما عندو ما يدير بالمارشي..
عظيما:واش كياكل؟
شحيما:هو ما ياكلش في الدار..هو كيزرد برا في المطاعم زردة في الغدا وزردة في العشا.كلش فابور..
عظيما:وفين ياكلو ولادو؟
شحيما:اولادو في الخارج.. تما كيقراو..كياكلو..كيتبرعو.
عظيما:دابا ايلامشينا قدام السكنى اديال الوزير ما يخرجوش لينا الخبز كارم؟ ياك؟
شحيما:غادين يخرجو لينا كلب واعر.
عظيما:ايلا مشا الوزير باش يتخلص في راس الشهر واش تاهو كيشد الصف بحال المواطنين؟
شحيما:هو ما كيقيش المانضا اديالو..باش يعزلها على الفلوس الاخرين
عظيما:اديال التدويرة؟
شحيما:الوزير ما كيشدش ربعالاف ريال..او عشرالاف ريال او حتى عشرين الف ريال..هد الشي خاص بالسمسارة
عظيما:واش ناهما الفلوس لاخرين ؟
شحيما:فلوس الرباح اديال الوزينات و الفيرمات و المارشيات لكبار عندو فيهم النصيب.
عظيما:باخ..باخ...هي الوزير ضارب اديه؟
شحيما:و ضاربنا احنا بركلة.
avatar
hicham sâidi
عضو نشط
عضو نشط

ذكر
عدد الرسائل : 188
العمر : 24
السٌّمعَة : 0
نقاط : 33
تاريخ التسجيل : 02/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى